قصيدة واحد راح يخطب بنت عمه

سمو الانوثه · 10-15-2008, 10:12 AM

سبحان من يرزق بتوع الملاييـن

الرازق اللي ما يخيب الرجـا بـه

2- لي عم عنده معـرضٍ للصواليـن

أموت واعرف بس من وين جابـه

3- وإذا سألته قـال بعـت الدكاكيـن

ما يدري إني ما هضمت الإجابـه

4- الشاهد إني رحت له قبـل يوميـن

في قصره العامـر ودقيـت بابـه

5- قال ارحب ارحب عدّ ورد البساتين

يا مرحبا باللـي لفـا يـا هلابـه

6- قلت البقا عـدّ النفـل والرياحيـن

يا شيخ شمل اهل الكرم والذرابـه

7- قال اسلم الله يحفظك لي من العين

وآمر أوامر حضرتـك مستجابـه

8- قلت الصراحة طالبٍ قرب غاليـن

ودي تزوجنـي كريمتـك يـابـه

9- ثنّى وقال اهليـن والله وسهليـن

والكون ترخص لجل عينك رقابـه

10- لكن ترا عندي شـروط وقوانيـن

قلت اشرط اشرط يا حبيب الغلابـه

11- قال أولاً مهر العروسـة ثمانيـن

غير الرسوم وغير حق العصابـه

12- والثانية عمك يبي منـك سبعيـن

رسم الأبـوّة والنسـب والقرابـه

13- وام العروسة حقها منـك ستيـن

عشانها ست الحسـن والمهابـه

14- واخوانها كلن يبي منـك خمسيـن

عداً ونقـداً تنـدرج فـي حسابـه

15- وخواتها الخمس اعطهن من ثلاثين

عشان تتوثـق عـروق النسابـه

16- وتجيب طقم عيار واحد وعشريـن

وخاتم من الماس المصفى ترابـه

17- واكياس متروسة كعوب وفساتيـن

ألوانهـا واشكالهـا مـا تشابـه

18- وموتر بسواقـه وفيـلا بدوريـن

أثاثهـا مـن بطرتـه ينحكـابـه

19- واحجز لنا قاعة بقصر السلاطيـن

واحجز بهـا رقاصتيـن وربابـه

20- وامنع دخول اهل اللحى والبزارين

واعزم أميـر المنطقـة بالنيابـه

21- هذي الشروط اللي على بالي الحين

وذكرني اللي ما حسبنـا حسابـه

22- قلت اذكر الله يا عـدو المساكيـن

واستغفـره لا يبتلـيـك بعـذابـه

23- الظاهر إنك منت عارف أنا ميـن

أنا لو ارقا فـوق متـن السحابـه

24- ما جبت حتى نص درزن مواعيـن

واضحك بكيفك واعتبرهـا دعابـه

25- شروطكم هذي شـروط المجانيـن

شروطكم شغـل ابتـزاز ونهابـه

26- شروطكم تقصم ظهـور البعاريـن

شروطكـم همّـن وغـم وكآبـه

27- شروطكم والله سيوف وسكاكيـن

تذبح بنات المجتمع مـع شبابـه

28- وين الرضا والعطف واليسر واللين

اللي ذكرهـا الله بمحكـم كتابـه

29- وين الصفات اللي أمرنا بها الديـن

وين اختفى نهج النبي والصحابـه

30- يا عم جعل اللي خلقنا من الطيـن

يرد عقلك مـن خطـاه لصوابـه

31- ويجعل نصيبي عند غيرك قل آمين

ويحسن عزا الصابر ويجزل ثوابه

32- قال انت لو فكرت تفكير صاحيـن

ما شفت في مجمل شروطي غرابه

33- حنا بعصـر العولمـة والمزاييـن

ماهوب عصر الفلسفة والخطابـه

34- الناس تسعى للرتـب والنياشيـن

وانت اهتمامك بالشعـر والكتابـه

35- والشعر ما ينفعك لو هو دواويـن

ما دام جيبك مثـل بيـت الخرابـه

36- يا بوك لا تسمع كلام المصاخيـن

واسأل مجرب عاش في وسط غابه

37- قلت الله اكبر يا محـرر فلسطيـن

من يسمعك يحسبك ذيـب الذيابـه

38- تراك شايب راس مالـك رياليـن

والبنت ما تسوى جنـاح الذبابـه

39- قال انقلع مالت على وجهك الشين

لا عاد اشوفـك عندنـا يالزلابـه

40- قلت ابشر ابشر لكن الباب من وين

واقفيت من عنده على صوت بابـه

صمت الآهـات · 10-15-2008, 04:30 PM

يسلمو علي الطرح بس والله بي تعنس عند ابوها

NADEET · 10-16-2008, 12:04 AM

تسلمي ياحلوهـ على
الطرح الحلوو وماننحرم
×××

عقد ألماس · 10-16-2008, 04:09 AM

طرح رائع مشكوره قلبووو

ربي يعطيك العافيه

تقبلي مروري وماننحرم

سمو الانوثه · 10-16-2008, 02:33 PM

فديتكم اللله يعافيكم

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نكات مضحكة	ZAMANY	دلع الفرفشة والنكت	2	10-02-2008 09:10 AM
·~-.¸¸,.-~المكتبه السمعيه لقصائد كبار الشعراء·~-.¸¸,.-~	مجروحه	دلع همس القوافي	5	08-25-2008 10:15 PM
دليل المواقع الرياضية ...	مرسـ الحب ـول	الرياضة -السيارات	9	08-21-2008 09:00 AM
جدول السعرات الحرارية في الطعام {للبنات }	هلالي والراس عالي	الطب و الغذاء	3	07-03-2008 09:25 PM

الإعلانات النصية
منتديات ياحياتي	شات كتابي	إعلان نصي	إعلان نصي
إعلان نصي	إعلان نصي	إعلان نصي